20. okt. 2002
Pabbi, mamma, afi og amma létu undan mér
í dag um að fara með ömmu til Þýskalands. Mamma flýtti sér að
setja fötin mín í tösku og síðan keyrðu þau okkur ömmu til Keflavíkur
en við ætlum að sofa hjá Siggu frænku í nótt.
21. okt. 2002
Amma vakti mig kl. 5 um nóttina til að
fara í flugvélina. Ég var svo spenntur að ég vaknaði strax. Árni Jakob frændi
keyrði okkur svo upp í flugstöð, hann gaf mér líka pening svo ég gat
keypt mér flugvél hjá konunni í flugvélinni. Afi og Atli Már tóku á móti
okkur í Frankfurt svo keyrðum við til Düsseldorf þar sem afi og amma eiga
heima. Við vorum orðin svo þreytt þegar við vorum búin að taka upp úr töskunum
að við pöntuðum pizzu að borða og ég var steinsofnaður klukkan átta.
22. okt. 2002
Ég vaknaði klukkan níu. Eftir
morgunmatinn horfði ég á barnaefni í sjónvarpinu. Ég var ánægður þegar
ég sá að Stubbarnir voru í sjónvarpinu en varð svo rosalega spældur þegar
ég skildi ekki Stubbaþýsku. Eftir hádegi fórum við amma með lestinni í
vinnuna hans afa og tókum bílinn því amma þurfti að kaupa svo mikinn mat.
Mér fannst gaman í stóru búðinni, því þegar við vorum búin að kaupa
mat leyfði amma mér að skoða dótið og fara á leikvöllinn sem er í búðinni.
Þegar við komum heim fór ég að leika mér í Lego. Ég fór að sofa kl. 9.
23. okt. 2002
Ég vaknaði klukkan hálf níu. Ég
horfði á barnaefni í sjónvarpinu á meðan amma var að strauja, þegar hún
var búin að því fórum við í búðina að kaupa stígvéli handa mér og síðan
fórum við í Hofgarten en þar er rosalega skemmtilegur leikvöllur með rörarennibraut.
Þar var ég að leika mér í 3 tíma. Þegar við komum heim fór ég að
leika mér með dótið því amma segir að ég megi ekki vera einn úti að
leika mér. Þegar afi kom heim úr vinnunni fórum við í billjard og ég vann
afa. Afi segir að ég sé duglegur að borða og ef ég haldi því áfram verði
ég fljótari að stækka og verða sterkari. Ég fór upp í rúm kl. 9 og amma
las fyrir mig sögu.
24. okt 2002
Í dag fórum við amma niður í bæ
og keyptum ný náttföt handa mér. Þegar við komum heim hjálpaði amma mér
að læra að skrifa, en það þykir mér skemmtilegt. Síðan fór ég að
mála gluggamyndir af broskörlum og fýlukörlum ég málaði líka fugl sem
ég setti á spegilinn hjá rúminu mínu. Ég fór ekki snemma að sofa.
25. okt. 2002
Ég vaknaði seint því ég var svo
þreyttur. Amma leyfði mér að liggja í sófanum með teppi á meðan ég
horfði á barnaefni í sjónvarpinu. Eftir hádegi fór amma að versla en ég
var heima hjá Atla Má á meðan. Það fannst mér skemmtilegt því þá gat
ég farið í xxxx leik í tölvunni hans Atla. Ég var rosalega duglegur að
borða kvöldmatinn og líka áður en ég fór að sofa. Amma las sögu fyrir
mig en hún sofnar alltaf á undan mér.
26. okt. 2002
Í dag vaknaði ég rúmlega 9. Þegar
við vorum búin að borða morgunmatinn fórum ég, amma og afi niður í bæ
með lestinni en það finnst mér gaman. Þar horfðum við á skíðakeppni.
Síðan fórum við í búðir og keyptum vettlinga handa mér. Svo fórum við
á leikvöllinn þar sem rörarennibrautin er. Þar vorum við góða stund svo
fórum við heim með lestinni því það var komið svo mikill vindur og ég
er með mikinn hósta. Heima var ég að leika mér í Lego. Eftir kvöldmatinn
mátti ég vera í tölvunni hennar ömmu. Ég fór að sofa kl. 9:30
27. okt. 2002
Ég svaf lengi í morgun. Ég mátti
ekki fara út í dag því ég hósta svo mikið. En það gerði ekkert til
því það var svo mikill vindur úti að tréin fuku. Í dag kom strákur í
heimsókn með mömmu sinni. Hann heitir Julian Tarik er minni en Halldór
bróðir. Ég var voða góður við hann og sýndi honum dót. Amma fór í
saumaklúbb í dag svo ég var bara heima hjá afa því Atli Már var að
vinna. Við fórum í billjard og svo fékk ég að fara í tölvuna. Inga mamma
Julians sýndi mér hvar ég get verið í Bubba byggi á netinu, alveg rosalega
skemmtilegt. Við afi hituðum bara pulsur handa okkur í kvöldmat og síðan
fór ég að sofa.